لوليتا

هل تذكر اللوليتا ؟ ليست برائحة غزل البنات النفاذة ، و لا ببرودة الآيس كريم المنعشة ، و لا يبقى طعمها في فمك طويلاً كالبونبوني و الشيكولاتة . ما هي إلا متعة وقتية تأكلها في ثانية ، و تنسى كل شئ عنها في الثانية التالية !!0

الثلاثاء، يناير 09، 2007

تدوينة شخصية جدا

يقتلني الحنين هذه الأيام لشقتنا القديمة في ذلك الحي الشعبي الذي ولدت فيه ، قبل أن ننتقل مرتين لمنزلين آخريين في منطقتين مختلفتين تماماً 0
شقة صغيرة هي - و إن كنت أتذكرها رحبة فسيحة كعادة الأطفال - لا يوجد بها شباك واحد يطل على الشارع ، جميع نوافذها تطل على المسقط الخلفي - المنور - و ربما يكون هذا من أهم أسباب كراهية أمي لهذة الشقة 0
إلا إنني كنت و لازلت أحبها ، بصالتها الصغيرة و حجراتها الثلاث الأصغر ، و الحمام الصغير الذي لا يتسع للبانيو . أيامها لم يكن البانيو كان قد صار من ضروريات الزواج و العروس التى تتزوج بلا بانيو لم تكن سيدات العائلة و الجارات يأكلن وجهها ، حتى لو لم تر أيهن بانيو في حياتها من قبل اللهم في فيلم السهرة يوم الخميس مع أكوام اللب و السوداني و ربما الفشار على سبيل الترف 0
0
كانت شقتنا مكونة من ثلاث حجرات ، حجرة نوم أمي و هي الأكبر بطبيعة الحال ، ثم حجرة معيشة بها الكنب الأسيوطي العزيز و تلفزيون إن إي سي 12 بوصة و الذي استبدل فيما بعد بـ 16 بوصة 0
و سجادة صغيرة نفترشها و نتجمع حول وابور الجاز الذي يشيع جو من الحميمية و الدفء بصوته قبل نيرانه بشكل تعجز عنه أحدث الدفايات . نجلس حوله لمشاهدة مسلسل القناة الاولى - لم يكن أحد في مصر يعرف ما هو الدش أصلاً - و ربما تمددت على الأرض و أمامي كراسة الواجب أحل بها مسائل الحساب الذي كنت - ولازلت - فاشلة فيه تماماً 0
0
ثم في نهاية طرقة طويلة - مفروشة بالكليم اليدويالذي ما زلت أراه جميلاً و الذي كانت تصنعه جدتي لأمي رحمها الله ببقايا الأقمشة فيخرج بآلاف الألوان - توجد الحجرة الثالثة . حجرة نوم لي و لأخي الوحيد . بها دولاب خشبي صغير و فراشين ( إيديال ) معدنيين و بين الفراشين كومود صغير ، نحتفظ بداخله بأعداد ميكي و سوبر ميكي وميكي جيب التي كنا نتقاسم ثمنها من مصروفينا و نتشاجر من سيقرأها أولاً 0 بالإضافة لمكتب خشبي لم نستعمله للاستذكار قط ، لأننا أعتدنا الاستذكار في حجرة المعيشة حول الوابور 0
0
حتى دخلت عامي السادس و دخلت مع مدرستى الإبتدائية ، فألغت أمي حجرة المعيشة و أبتاعت لي دولاب و مكتب جديدين و نقلت فراشي للحجرة الثانية لتفصل بيني و بين أخي و يصبح لكل منا حجرته الخاصة . أتذكر أنني حزنت كثيراً يومها لأنني لن أجد من يتبادل معي الكلمات الهامسة التي تسبق النوم ، أو التعليقات الضاحكة حول مسرحية سهرة يوم الخميس التي سهرنا للواحدة صباحاً حتى نشاهدها كاملة قبل أن ندخل لننام 0
0
ربما يرجح بعضكم أن حنيني لشقتنا القديمة هو حنين لأيام طفولتي ، فإذا كنت من هذا البعض دعنى أؤكد لك خطأ هذا الأعتقاد 0
فلقد كنت طفلة بدينة ضعيفة الشخصية و أعتقد أنني مازلت كذلك حى الآن - أتحدث عن ضعف الشخصية بالطبع و ليس البدانة - و كان علىّ أن أتحمل سخافات الفتيات الأقوى شخصية ، الشريرات بطبيعة الحال . كما قالها د. احمد خالد من زمن أن " الشر يكون إيجابياً دائماً في حين يندر الخير الإيجابي " . ربما لأن الخير الإيجابي سرعان ما يتحول لشر بمجرد أن يستشعر لذة السيطرة 0
مازلت إلى الآن طفلة حمقاء ضعيفة الشخصية معدومة الكاريزما تحاول التظاهر بالعكس و أعتقد أنني أنجح أحيانا في إيهام الناس أنني ذات شخصية قوية واثقة من نفسها 0
0
لماذا أكتب هذا ؟ لماذا أحكي لكم عن شقتنا القديمة التي لم أرها منذ كنت في التاسعة من عمري أي منذ ما يزيد عن 17 عاماً ؟!!! 0
ربما لأنني لم أكتب منذ فترة و شعرت بحاجة ملحة للكتابة عن أي شئ 0 ربما لأن هذه هي مساحتى الشخصية للفضفضة و قد أكتشفت مؤخراً أنني لم أفضفض بها من قبل 0
ربما هو ذلك الحنين القاتل لبني البشر والذي يدفعك دفعاً للإعتقاد بأن ما فات من سنوات عمرك هو الأحلى - حتى و إن لم يكن - فقط ليلهيك عن رؤية لحظاتك الحلوة الحالية 0
ربما العكس تماماً ، ربما أحاول إقناع ذاتي بأنه هناك بالفعل لحظات حلوة أعجز عن الاستمتاع بها 0
ربما لأنني أحاول إخراج ركام روحي ، علها تنفض عنها هذه الكآبات والهموم و تعود منتعشة كما كانت منذ لا أذكر متى 0
وربما لأنني أصبحت سوداوية الطابع ، أعجز عن الشعور بالسعادة كما كنت أفعل و أنا في العشرين 0
0
منذ بضعة أسابيع سألني أحد أقرب أصدقائي بدون مناسبة " إنتي مبسوطة يا أميرة ؟ " فأجبت بتلقائية أفزعتني " لأ " وبدون إبداء الأسباب 0
ببساطة لأنني أنا نفسي لا أعرفها 0

24 Comments:

At يناير 10, 2007 2:14 ص, Blogger فـرحـات المصري said...

كل انسان له شخصيتين واحدة ظاهرة امام الناس والتانية مستخبية مش بيشوفها حد غيره هو بس
اعتقد ان شخصيتك اللي مستخبية هي اللي ظاهرة علي المدونة .. دا اكيد انا واثق من كده ان انت بتكتبي علي المدونة بالشخصية المستخبية اللي محدش يعرفها .... كل الناس كده
انا كمان ليا شخصيتين لكن الحمدلله بحاول ادمج الشخصيتين مع بعض
الموضوع شكله صعب لكنه سهل شوف الشخصية اللي انت نفسك فيها وحاول تكون هيه الشخصية دي
والحمد لله شكلي كده نجحت في الدمج
لأني لما قرأت موضوعك اللي انت كتبتيه بخط صغير ولون مش ظاهر ووجعلي عينيا جداا
رجعت للمدونة بتاعتي وقرأت اللي انا كتبه فيها وقرأت بعض من تعليقاتي في المونات الاخري
اكتشفت اني بكتب بشخصية واحدة وفكرت شوية في رأيي تجاه بعض المواقف في الواقع لقيتها متقاربة لحد كبير جدا جدا
اذن انا نجحت في دمج الشخصيتين
لان دا لم يكن اسلوبي في التعليقات او الموضوعات من سنتين ايام ما كنت متابع المنتديات قبل ما اتحول للمدونات
ايام المنتديات كنت بكتب بشخصية غير اللي عايش بيها خالص الان الشخصية واحدة
واعتقد انت كمان تقدري تدمجي بين الشخصيتين يا اميرة
اختاري الشخصية اللي انت عاوزها لنفسك وابدي الدمج من الان وفورا
وكل اسبوع شوفي هل فيه تقدم ولا لسه ؟؟؟
ومش شرط تختاري شخصية من شخصياتك ... لأ
ألفي شخصية انت نفسك فيها فيها شوية من اميرة الواقعية وشوية من اميرة المدونتية وشوية نفسك فيهم لكن مش فيكي
الموضوع عامل زي ما تكوني بتجمعي كمبيوتر في البيت
انا عملت كده والحمد لله ماشي تمام وبحاول كل فترة اشوف الاوضاع لو فيها خلل بصلحه علطول
اهم حاجة ما يكونش فيه حاجة تغضب ربنا ورسوله وخلاص

 
At يناير 10, 2007 8:29 م, Anonymous غير معرف said...

ياااه... هى البنوتة العسل اللى انت حاطه صورها ( بسم الله ماشاء الله ولا حول ولا قوة الا بالله والله اكبر ... ماتقلقيش انا بلبس نضارة) البنوتة دى تبقى بنت اخوكى اللى انت بتحكى عنه فى البوست.. يااااااااه شوف الدنيا...فجأة كده .. ياسبحان الله... فعلا .. الكفيف أعمى ولو كان ضرير... سلام
اه نسيت اقولكم حاجة.. ادعولى الله يخليكوا انا بمتحن.. (مهند . اسكندرية)

 
At يناير 28, 2007 1:40 ص, Blogger بنت الحياه said...

ممكن أقولك انك رائعة :)

 
At يناير 28, 2007 10:19 م, Blogger أميرة حسين said...

الاول بعتذر لكل اللي كتبلي تعليق و اتأخرت في الرد عليه
معلش يا جماعة الجهاز كان بيخرف معايا شوية

فرحات :)
ازيك يا جميل ؟
معتقدش يا فرحات اني بشخصيتين
اعتقد اني شخصيات كتير :) :)
يعني لما بافرح بابقى واحدة ولما بغضب بابقى واحدة تانية و لما بحب بابقى واحدة معرفهاش اصلا
:D
انما انا مش شايفة ان ده فصام
ده طبيعي و كل الناس كده
لكن اعتقد ان شخصيتي اللي على البلوج هنا هي اميرة اللي الناس تعرفها و بتتعامل معاها
ميرسي على الطلة الجميلة دي يا فرحات

مهند
الله اكبر يا عم
انت نازل معاكسة في البت من ساعة ما حطيت صورها
:)
اكيد زمانك خلصت امتحانات
يارب تكون اتوفقت يا قمر
و فتح كده و ادي كلاكس و فلاشر شمال وانت داخل يمين ، مش ناقصة عمى يا عم انا مبشوفش بعد المغرب اصلا
:)

بنت الحياة
والله العظيم انتي اللي قمر
متعرفيش بجد انا بفرح اد ايه لما الاقي بنوتة جميلة زيك كده عاملة مدونة اجمل واجمل زي مدونتك
ميرسي على التعليق يا توتة و اوعى تبطلي تكتبي و اوعى تبطلي تعدي عليا
:)
و ميرسي كتير على اللينك اللي انتي حاطاهولي في مدونتك

 
At فبراير 05, 2007 4:48 ص, Anonymous الزرافة الحسودة said...

أنا أحسدك
أنا أحسدك
أنا
أ
ح
س
د
ك

 
At فبراير 05, 2007 3:12 م, Anonymous غير معرف said...

ماتقلقيش يااستاذة اميرة من الزرافة الحسودة...هى طول ماهى زرافة يبقى مش هتأثر عليكى... تأثيرها هيبقى على الطيارات والعصافير وكل حاجة فى مستوى عينيها.. انتى بس اهم حاجة تشيلى صور بنت اخوكى من المدونة.. احنا مانضمنش الزرافة دى ممكن تعمل ايه.. ده غير ان النت لسه صغيرة.. وياريت كمان ماتودوهاش جنينة الحيوانات فى العيد.. قضوها ملاهى وحدائق عامة.. الاحتياط واجب برضو ..(مهند.اسكندرية

 
At فبراير 08, 2007 9:41 م, Blogger أميرة حسين said...

اهلا بيكي في المدونة يا زرافة
مدونتك جميلة على فكرة ولو ان ردودك حادة جدا :)
لكن ظريفة و مختلفة
ميرسي على الزيارة يا جميل و ابقى كرري الحسد تاني

مهند
متقلقش يا قمر انا معنديش حاجة اتحسد عليها اصلا :)

 
At فبراير 17, 2007 1:42 ص, Blogger محمد حسين said...

فى الاول اسف انى ماعلقتش على المدونة من بدرى انا شايف فعلا انك رائعة حقيقى انى رائعة يا اميرة وما شفتش حد بيكتب بالروعة دى زيك


اخوكى الصغير

 
At مارس 06, 2007 12:39 ص, Blogger altaeeralgareeh said...

شوفي يا أميرة طول ما في أمل في برنجان
طبعاً متأخر اوي في التعليق علي مدونتك وطبعاً التدوينة دي مينفعش عليها الرد ده
بس عادي عيشي حياتك وشعور الحنين هو احلي المشاعر في الحياة
اخوكي محمد عبد السميع

 
At مارس 06, 2007 11:27 ص, Blogger فـرحـات المصري said...

ايه يا اميرة انت مش بتكتبي ليه وليه مشوفتيش المدونة بتاعتي ومقولتيش لي رأيك ايه فيها
انت مطنشاني ولا ايه ؟؟

 
At مايو 27, 2007 2:44 م, Blogger مادو said...

الحنينكالحزن شر إنساني لا بد منه
تحيتي لقلمك

 
At يونيو 14, 2007 4:09 م, Blogger momken said...

اميره
انتى متضيقه من حلجه مش عاوزة تقولى عليها انتى بتلفى وتدورى كتير حولين موضوع من عاوزة تصرحى بيه ...يعنى عاوزة تفضفضى وتحتفضى بسرك برضه
البوست جميل خصوصا لما كنتى مركزة فى ايام شقتكوا القديمه انتى بتعرفى تجيبى التفاصيل كويس اوى وبتعرفى توصلى احساسا الدفىء والحميميه بشكل رائع انتى هايله وجميله جدا وكتبتك متتعه اوى
بحب اسلوبك وبحب اميره بتاعه الشقه القديمه

 
At ديسمبر 25, 2007 10:10 ص, Anonymous waleed said...

أنا أول مرة أدخل المدونة الجميلة دى لكن بصراحة شعرت بكل كلمة وكم هو صادق الشعور والتعبير وأحييكى على صدق المشاعر وكأنى أشاهد كل كلمة تقوليها وتقبلى تحياتى

 
At مارس 02, 2008 3:17 ص, Blogger not like eny other said...

استمرىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىى

 
At يوليو 01, 2008 5:40 م, Blogger momken said...

مش عارف اقولك ايه بس هتصدقى لو قلتلك وحشتينا جدا
ووحشنا كلامك عن شقتكوا القديمه
وحكاياتك
والحجات بتاعه زمان

تصدقى بالله وحشتينى


تحياتى

 
At سبتمبر 09, 2008 10:18 م, Anonymous غير معرف said...

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

 
At سبتمبر 26, 2008 3:49 م, Blogger سقراط said...

انا اول مرة ازور مدونتك
انا قريت الموضوع ده بس
وعجبني
وان شاء الله اكون زائر دايم

 
At نوفمبر 16, 2008 9:37 م, Blogger م/ الحسيني لزومي said...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا

 
At يناير 13, 2010 1:23 ص, Anonymous غير معرف said...

topic29, [url=http://www.chop.edu/forum/user/profile/8207.page]buy klonopin[/url], :-( fgx, http://www.chop.edu/forum/user/profile/8207.page klonopin no prescription *sorry*, [url=http://www.chop.edu/forum/user/profile/8208.page]order xanax 2mg[/url], ;-( bsq, http://www.chop.edu/forum/user/profile/8208.page order xanax 2mg ;-(, [url=http://forum.cprs.ca/default.aspx?g=posts&m=6]order adipex[/url], :-) xiw, http://forum.cprs.ca/default.aspx?g=posts&m=6 order adipex online :-), [url=http://forum.cprs.ca/default.aspx?g=posts&m=7]cheap alprazolam[/url], :-( hqn, http://forum.cprs.ca/default.aspx?g=posts&m=7 buy alprazolam without prescription :-(, [url=http://forum.cprs.ca/default.aspx?g=posts&m=8]order ambien no prescription[/url], :-) ipa, http://forum.cprs.ca/default.aspx?g=posts&m=8 ambien no prescription :-)

 
At يوليو 16, 2012 4:21 م, Anonymous Wohnungsräumung Wien said...

Thanks for it .. I hope the new Topic is always

 
At مارس 21, 2013 2:34 م, Anonymous wohnungsräumung said...

موضوع مميز جدا .. شكرا لكم
wohnungsräumung
wohnungsräumung
wohnungsräumung
wohnungsräumung

 
At أبريل 21, 2013 10:09 ص, Anonymous Wohnungsräumung wien said...

تسلم ايديك على الموضوع الممتاز
Wohnungsräumung
Wohnungsräumung
Wohnungsräumung wien
Wohnungsräumung wien
Wohnungsräumung wein

 
At مايو 01, 2013 10:20 ص, Anonymous ريوبى said...

موضوع ممتاز
ryobi

 
At يوليو 27, 2013 3:16 م, Anonymous Wohnungsräumung said...

شكرا على الموضوع المتميز
Dank Thema Wohnungsräumung

 

إرسال تعليق

Links to this post:

إنشاء رابط

<< Home