لوليتا

هل تذكر اللوليتا ؟ ليست برائحة غزل البنات النفاذة ، و لا ببرودة الآيس كريم المنعشة ، و لا يبقى طعمها في فمك طويلاً كالبونبوني و الشيكولاتة . ما هي إلا متعة وقتية تأكلها في ثانية ، و تنسى كل شئ عنها في الثانية التالية !!0

الأربعاء، أكتوبر 04، 2006

هي الفلوس دي بتيجي منين ؟؟

على الرغم من إعجابي بالممثل الذي لا أعرف اسمه للاسف و الذي يقدم إعلانات مصلحة الضرائب ، إلا أن الإعلان الأخير بتاع الفلوس دي بتيجي منين ، مستفز لأقصى درجة 0

بيقولك البند التالت مياة و صرف صحي و خلافة ، 5 مليار جنيه في السنة ، هي الفلوس دي بتيجي منين ؟؟

فإذا كانت المياة تقطع في مصر الجديدة و مدينة نصر لأكثر من أسبوع و أسبوعين ( فما بالك بالمناطق العشوائية و المحافظات ! ) و حتى في المدن الجديدة التي أقطن في إحداها و المفترض أن بنيتها الاساسية جديدة ، فإن المياة تقطع
باستمرار و تطفح المجاري لأيام قبل أن يفكر أحد في التحرك لإصلاحها 0

:
إذن السؤال يجب أن يكون
و 5 مليار جنيه في السنة !! هي الفلوس دي بتروح فين ؟؟؟؟؟؟؟؟؟؟!!!!!!! 00

15 Comments:

At أكتوبر 04, 2006 7:38 ص, Blogger كازانوفا said...

السلام عليكم

احنا هنضحك على بعض يا امييرة محنا عارفين انى تسعة وتسعين فى المية من الفلوس دى راحة فى جيب المسئولين الكبار والواحد فى المية على المسئولين الصغيرين واحنا فلوس المياه اللى بندفعها هيا دى اللى شغاليين بيها بلد الواحد كرهها خلاص والله

 
At أكتوبر 04, 2006 2:38 م, Anonymous مختار العزيزي said...

هو الممثل طبعا متمكن اسمه محمد شومان تقريبا... بس الاعلان كله فشخ بجد

 
At أكتوبر 04, 2006 3:34 م, Blogger foxamr said...

الاعبط من كده انه بيقول فلوس الكهربا
ازاي و الكهربا اصلا باقت متخصخصة
الاعلان ده نصه حلو عشان اعلان و نصه التاني نفاق و كدب و ضحك ع الدقون ة الشفايف

 
At أكتوبر 05, 2006 1:37 ص, Blogger أميرة حسين said...

كازانوفا
ما كلنا عارفين يا زوزو انما بلاش استفزاز بقى !!!!

يعني انا نفسي افهم الناس دي مبتحسش ؟؟ مبتتكسفش؟؟
انت بتسرق ، اوك ، خلاص حس على دمك بقى و اخرس ، انما لأ لازم يطلع يقولك اللي بسرقه مش كفاية احترموا نفسكوا و ادفعوا ضرايب اكتر خلينا نفتح الحساب الزيليون في سيويسرا بقى

مختار العزيزي
محمد شومان ؟؟ متأكد ؟ انا معجبه بيه جدا و الله و خصوصا دوره في فول الصين العظيم مع ان الفيلم نفسه خنقه انما هو كان احلى حاجة فيه و دوره الاخير في واحد من الناس اللي مكنش كوميدي و كان جامد برضه
شكرا على الطلة العزيزة يا مختار العزيزي :D:D

foxamr
ياعم اللي عامل الاعلان اصلا شكله حمار
هو عايز يقولك الحكومة دي بنت حلال و بتعمل لمصلحتك و انت مبيتمرش فيك من الاخر
مش مهم بقى كهربا مجاري اهي كلها نتانة و ريحة وسخة و خلاص
والله انا كل ما افتكر الاعلان ده دمي يتحرق
مشكرين على الطلة يا جميل :)

 
At أكتوبر 06, 2006 12:22 ص, Blogger تامر فتحي said...

ومادام عارفين الفلوس بتروح فين بنسأل ليه أساسـًا

ولاّ هو تقليب مواجع وخلاص ؟

 
At أكتوبر 06, 2006 1:57 ص, Blogger كازانوفا said...

نفتح الحساب الزيليون في سيويسرا بقى

حساب جديد ده يا اميرة ههههههههههههه

 
At أكتوبر 06, 2006 11:36 ص, Blogger أميرة حسين said...

تيمو
ماهو احنا عارفين و ساكتين و مبنقلبش المواجع زي مانت بتقول
انما هما اللي بينكشونا بقى بالاعلانات المستفزة دي ياعم
ده بيذيعوا الاعلان ده الف مرة في اليوم


الزيليون ده يا زوزو حاجة كده بعد المليار بمراحل
ممكن تقول مليار مليار مثلا
:D :D

 
At أكتوبر 06, 2006 7:21 م, Blogger 2akawy said...

ربنا يصبرنا يا رب

 
At أكتوبر 07, 2006 12:40 ص, Blogger أميرة حسين said...

عكاوي

آمين

خطوة عزيزة يا عكوة :)

 
At أكتوبر 10, 2006 1:22 ص, Blogger khalakhelo said...

مش المشكلة بتيجي منين
القضية: بتروح فين
الحساب الزليون ؟ يمكن, بس ده طبعاً كله في مصلحة البلد, لحسن الفلوس, و المية و الكهربا لو جريت في إيد الشعب هيفسد و يمكن يضيعها
بعدين أولياء أمورنا ربنا يجزيهم بيفرولنا, لأجل غير مسمى
أو يمكن بيساعدو بنوك الشعب السويسري الشقيق
المهم إن المجاري ماشية في ايدينا عال العال, عايزين ايه تاني
شعب جشع صحيح

بس هو الباشمهندز شومان مثل دور إيه في واحد من الناس ؟
أصلي مشفتش الإعلان أصلاً, شفت بتاع الضرايب بسي مفتكرش

 
At أكتوبر 10, 2006 11:26 م, Blogger أميرة حسين said...

ماهو ده اللي انا بقوله يا خالاخيلو
السؤال في الاعلان المفروض يكون هي
الفلوس دي بتروح فين
!!!!!!!!
أما بالنسبة لأولياء أمورنا
على اعتبار اننا في كي جي تو
فربنا يديهم كمان و كمان
عارف الحديث الشريف اللي بيقول فيما معناه
إذا غضب الله على عبد رزقه من حرام و إذا إشتد غضبه عليه بارك له فيه

ربنا يباركلهم يا عم
قول آمين
:D

وشومان بقى يا سيدي كان عامل دور ظابط مرتشي في واحد من الناس
دور فيللين جامد يعني بعيد خااااااالص عن الكوميدي

 
At أكتوبر 11, 2006 2:56 ص, Blogger Mahmoud Serag said...

المشكلة هى ان السرقة بقت عينها بجحة ، و الشعب وصل لدرجة انه شايف السرقة و راضى عليها ، الحرامية هما اللى بيقولوا المبالغ المسروقة كام ، يمكن علشان مفيش حد من الحرامية يتخانق على نصيبه ، يعنى حاجة زى المثل اللى بيقول مشفهموش و هما بيسرقوا شافوهم و هما بيتقاسموا ، و طبيعى جدا يكون الرقم اللى فى الاعلان ده مسروق منه كام مليار و يكون الرقم الحقيقى اكبر من كده كمان .

 
At أكتوبر 11, 2006 2:24 م, Blogger karakib said...

يشتروا بيهم بيبسي ... لزوم العطش ...
الفلوس بتروح فين قال !! ده يصلح لانه يكون معارضه كوميديه :)
بتروح فالبلاعه
انتوك

 
At أكتوبر 11, 2006 7:33 م, Blogger ayman_elgendy said...

اميرة

:-)

كل سنة و انتي طيبة

الفلوس دي بتروح هناك...وهناك دي تمثل اماكن عديدة...و....مش مهم

المهم انك وحشتينا...خالص مودتي

 
At أكتوبر 12, 2006 12:51 ص, Blogger أميرة حسين said...

محمد سراج
الحقيقة يا محمد اننا شفناهم و هما بيسرقوا و شفناهم و هما بيتحاسبوا كمان
يعني ناس بجحة و مفيش عندها خشى على رأي ستي الله يرحمها

انتوك
شرفتم البلوج يا فندم و تحياتي لانتوكة
انا مش بسأل في البلوج الفلوس دي بتروح فين يا انتوك
الناس كلها عارفة الفلوس بتروح فين
كل الحكاية ان الاعلان مستفززززززززز جدا
وانا كنت هطرشق من جنابي لو مقلتش اي حاجة
بس يا قمر

أيمن
ولو اني زعلانة منك خالص
الا انك واحشني فعلا بجد و بقالك كتير معدتش على البلوج
اما بقى لو على الفلوس اللي بتروح هناك فهي اكيد ......0
ولا بلاش بقى لانروح انا وانت هناك
:D :D :D
كل سنة و انت طيب يا جميل
وابقى اسأل علينا ياعم

 

إرسال تعليق

Links to this post:

إنشاء رابط

<< Home