لوليتا

هل تذكر اللوليتا ؟ ليست برائحة غزل البنات النفاذة ، و لا ببرودة الآيس كريم المنعشة ، و لا يبقى طعمها في فمك طويلاً كالبونبوني و الشيكولاتة . ما هي إلا متعة وقتية تأكلها في ثانية ، و تنسى كل شئ عنها في الثانية التالية !!0

الخميس، سبتمبر ٢١، ٢٠٠٦

أغاني توجع القلب

ساعات في أغاني معينة بتلعب على وتر مشاعرك
تحس إنها أنت
إنها بتتغنى لك أنت بالذات
إنها بتلخص حياتك في كلمتين
إنها بتوجعك أوي
ولأن الإنسان أناني في أغلب الأحيان إلا أن الحاجة الوحيدة اللي بيحب الناس تشاركه فيها هي أحزانه
وبما إن قلبي واجعني أوي من الأغنية دي ، فحبيت أسمعهالكوا وأوجع قلبكوا معايا
:) :)
بنلف في دواير
والدنيا تلف بينا
دايما ننتهى
لمطرح ما ابتدينا
طيور الفجر تايهة
في عتمة المدينة
بتدور
0
مبنكتبش الرسايل
مبننتظرش رد
لا حد في يوم سمعنا
ولا بنسمع حد
طيور العمر تايهة
في عتمة المدينة
بتدور
0
ساكنين في عالم يعشق الخطر
فيه الطيور تهرب من الشجر
وتهرب النجوم من القمر
وتهرب الوجوه من الصور
بنلف في دواير ندور ع الامان
ونلاقينا رجعنا تاني لنفس المكان
ندور
0
نحلم و نحلم بالحياة المفرحة
واتاري احلامنا بلا اجنحة
ندور ندور ندور
بجناح حزين مكسور
ساعات نشوف في العتمة
وساعات نتوه في النور

ساعات عيونا بالاسى تفرح
وساعات في ساعة الفرح منوحة

12 Comments:

At سبتمبر ٢٢, ٢٠٠٦ ١٠:١٥ ص, Blogger Ahmed Shokeir said...

عندك حق

اغنية بتلخص كل حاجة في 3 دقايق

سلامة قلبك

 
At سبتمبر ٢٣, ٢٠٠٦ ٨:٠٣ م, Blogger 3mr youssef said...

الأغنية عظيمة وليها زكريات موجعة معايا حسستني بنفسي كتير وخلتني احاول اصحح مسار حياتي دلوقتي هي توجع القاب بجد بس سلامة قلبك وقلبي وقلب كل واحد وجعته الأغنية دي

 
At سبتمبر ٢٣, ٢٠٠٦ ١١:٠٥ م, Blogger أميرة حسين said...

أحمد
الاغنية دي عبقرية اصلا :) بس بجد انا مبسوطة انها عجبتك
الله يسلمك يا جميل :)

عمرو
الاغنية دي فعلا خلتني اقف افكر كتييييييير اوي
انا فين و عايزة اروح فين و هل انا ماشية في الطريق الصح ولا بلف في دواير :)؟؟
سلامة قلبك و الله يسلمك و يسلمنا جميعا:):)

 
At سبتمبر ٢٤, ٢٠٠٦ ١١:٠٥ ص, Blogger Shower-Mirror said...

الاغنيه تحفه طبعا و على فكره هى اغنية فيلم "اوقات فراغ " و كتبها المبدع عبد الرحمن الابنودى و من تلحين و غناء الفنان الحساس مروان خورى .

طبعا لما سمعت الغنوه عجبتنى لكن عجبتنى اكتر لما شفت الفيلم ... لو كنتى ماشفتيش الفيلم ...لازم تشوفيه و تسمعى الاغنيه تانى .

 
At سبتمبر ٢٤, ٢٠٠٦ ١١:٤٠ م, Blogger أميرة حسين said...

Shower-Mirror
انا عارفة طبعا ان الاغنية لفيلم اوقات فراغ و كنت سمعت انها من كلمات الابنودي لكني استغربت جداجدا
يمكن لان اسلوبها بعيد عن اسلوبه المعتاد في الاغاني
ويمكن عشان لاول مرة بيكتب لمطرب شاب و اغنية لفيلم كمان

الفيلم طبعا انا شفت الميكنج بتاعه لكن للاسف لسة مشفتوش ، لكن لازم هشوفه طبعا
الافلام الجيدة قليلة جدا عشان كده مش لازم تتفوت

ميرسي على متابعتك :)

 
At سبتمبر ٢٧, ٢٠٠٦ ٣:٠٢ م, Anonymous غير معرف said...

السلام عليكم اولا يا اميرة كل سنة وانتى طيبة

ثانيا الاربع خمس مشاركات اللى فى الشات عندك مش انا اللى كاتبهم خالص والله دى ناس ماسكة الاسم بتاعى ويكتبوا فى كل مدونة شوية وبالامارة كمان انا من اول المهنئين ليكى فى المقال بتاع الدستور متخليش ناس متخلفين يدخلوا باسمى ويشوهه العلاقة المحترمة اللى ما بينا يا اميرة وانا ولا سألت على سن ولا على اسم حقيقى وانا اساسا عندى اتنين وعشرين سنة معرفش ايه تمناينات دى اللى بيكلموا عنها


كازانوفا

احمد عبدالوهاب

 
At سبتمبر ٢٨, ٢٠٠٦ ١٢:٥٥ ص, Blogger أميرة حسين said...

اولا و انت طيب يا جميل :) و رمضان كريم
ثانيا انا عارفة ان اي حد ممكن يكتب في الشات بوكس و يحط لينك اي مدونة و يقول اي كلام ، فمتقلقش انا مش باخد الكلام جد اوي :) :)
وعلى العموم اي كان اللي سأل الأسئلة دي فهي مزعلتنيش و انا رديت عليها و الموضوع انتهى

كل سنة و انت طيب يا جميل و يعود علينا الايام بخير :)
وبالمناسبة انا بعتز بيك جدا و بصداقتك يا أحمد :)

 
At سبتمبر ٣٠, ٢٠٠٦ ١١:٠٢ م, Anonymous غير معرف said...

ده شرف ليا يا اميرة

 
At أكتوبر ٠١, ٢٠٠٦ ٦:٣٦ م, Blogger Ensan said...

دواير
مش هااقول كتير , لكت هااوقم موقف واحد , انا طبعا سمعت الاغنية قبل ماادخل الفيلم
فلما دخلت الفيلم الاغنية بتنزل مع تتر النهاية
فالنور ولع فى الصالة و الناس مشيت وانا لسة قاعد - كان فيه واحد تانى فى السينما - بسمع الاغنية - و كنت عاوز انادى على الناس رايحين فين , الاغنية لازم تتسمع بعد الفيلم و ماقمتش الا ماالاغنية خلصت , كان الراجل بيبثلى باستغراب مين اللى قاعد علشان يسمع الاغنية ده

 
At أكتوبر ٠١, ٢٠٠٦ ١١:٢٢ م, Blogger أميرة حسين said...

انسان
هو الحقيقة انا مشفتش الفيلم لحد دلوقتي
و يمكن تكون مشاكل ابطال الفيلم و حياتهم مختلفة عن حياتي ، لكن انا مازلت حاسة ان الاغنية دي بتلخص حياتي في اقل من 3 دقايق
:D
وربنا يسهل و اشوف الفيلم و اسمعها تاني بعد الفيلم برضه يا سيدي ولا تزعل

 
At أكتوبر ٠٣, ٢٠٠٦ ١٠:١٦ م, Blogger sarah la tulipe rose said...

اني جبتيها فهلا اغاني توجع القلب و الروح و تحسسك بالذنب ناقص تقولك" ايوة انا النقصود.. مابصش حواليك..ايوة انت" الاغنية فعلا جميلة جدا و اول ما سمعتها شدتني بشكللللل

 
At مايو ٠١, ٢٠١٣ ١٠:٢٠ ص, Anonymous ريوبى said...

موضوع ممتاز
ryobi

 

إرسال تعليق

Links to this post:

إنشاء رابط

<< Home