لوليتا

هل تذكر اللوليتا ؟ ليست برائحة غزل البنات النفاذة ، و لا ببرودة الآيس كريم المنعشة ، و لا يبقى طعمها في فمك طويلاً كالبونبوني و الشيكولاتة . ما هي إلا متعة وقتية تأكلها في ثانية ، و تنسى كل شئ عنها في الثانية التالية !!0

الخميس، أكتوبر ١٢، ٢٠٠٦

كلاكيت الدستور تاني مرة


شكر كان واجب من زمان جدا جدا
و دلوقتي بقوا شكرين على بعض
أولا شكر للأستاذ محمد هشام عبيه محرر صفحة رأي بجريدة الدستور ، على نشره لبوست ليا لتاني مرة و على تشجيعه الجميل اللي بجد آثر في الواحد جدا و حسسني أني بكتب حاجة كويسة
و شكرا جامدة جدا جدا جدا لكل حد عدى من هنا و قاللي كلمة في رد صغنن ، سواء كانت بالسلب أو الايجاب
لأن لولا الردود دي كان زماني زهقت من بدري - كعادتي - و قفلت البلوج وروحت :)0
و لأني بطبعي مكتئبة و سوداوية و حالتي لا يعلم بيها الا ربنا - مش بشحت والله مش عايزة ضحك - فعشان كده حبيت اشكر محمد بس على شوية الفرحة وسط الاكتئاب الجماعي و الحزن العام اللي بقينا عايشيين فيه على طول
ربنا يخليك للغلابة يا عم محمد :) 0

24 Comments:

At أكتوبر ١٢, ٢٠٠٦ ٤:٢٤ ص, Blogger Mahmoud Serag said...

مبروك على النشر للمرة التانية فى الدستور
و عقبال ما نلاقى اسمك ثابت فى الجريدة
يمكن ربنا يكرمك ساعتها و تبطلى شحاته
ههههههههههههههههههه

مبروك مرة تانية يا أميرة و بالتوفيق دايما .

محمود سراج

وقعت بالعربى اهوه علشان متبقيش تقولى محمد سراج تانى :)

 
At أكتوبر ١٢, ٢٠٠٦ ٧:٠٦ ص, Anonymous غير معرف said...

ألف مبروك يا أميرة :)

 
At أكتوبر ١٢, ٢٠٠٦ ٧:٤٠ ص, Blogger FrEe.PhArAoH said...

مبروك اكيد

انا من عشاق دكتور احمد خالد توفيق

خالص تحياتى

 
At أكتوبر ١٢, ٢٠٠٦ ١٠:١٠ ص, Blogger Shower-Mirror said...

مبروك ...و ابقى افتكرينا بعد الشهره :)

 
At أكتوبر ١٣, ٢٠٠٦ ١:٥٦ م, Blogger محمد فرج على said...

مبروك يا اميره وعقبال المره المليون

 
At أكتوبر ١٣, ٢٠٠٦ ٢:٤٠ م, Anonymous غير معرف said...

مبروك لكن على فكرة اللى بيكتبوا فى الدستور عمرهم ما بيكونوا مشهورين يعنى اخر عدد التعليقات اللى بتيجى على المقالة 5 او سته .... الف مبروك

 
At أكتوبر ١٣, ٢٠٠٦ ٩:١٠ م, Blogger مفلس افندى الرايق said...

حد يزعل او يكشر وانا موجود دى حتى تبقى عيبه فى حق نقابة الشحاتين بتاعتى

يا سيتى اضحكى واديها فرحه

د الحياه من غير سعاده

تبقى جارحه

ويوم ما تحسى انك زهقانه

اشترى فرخه

واسخنى ميه فى حله مليانه

واعملى شوربه

ولما تستوى الفرخه الكحيانه

ادينى حته

اصل انا شحات وجيوبى فضيانه

وهوايتى الشحته

ها؟؟ لسه برضه زعلانه؟

طيب سمعينى الضحكه

تحياتى

 
At أكتوبر ١٦, ٢٠٠٦ ١:٥١ ص, Blogger أميرة حسين said...

اولا انا بعتذر يا جماعة للتأخير في الرد عليكم
جهاز الكمبيوتر الاثري بتاعي حرن و حلف ميت يمين ماهو داخل نت
و راسة ولا اجدع بغل لا يشغل الاكسبلورر و لا الماسينجر و لا حتى الاي سي كيو

نستعين على الشقى بالله
ابو حنفي
الله يبارك فيك يا جميل و حسنة قليلة تمنع بلاوي كتيرة
محمد؟؟ انا قلت محمد؟؟ ازاي ده احنا حتى بينا عيش و ملح و ميني مولوتوف :D:D


محمد حبيب
الله يبارك فيك يا جميل :)


FrEe.PhArAoH
الله يبارك فيك اكيد برضه :)
احنا اتربينا على ايد دكتور احمد مش بس بنعشقه :)

Shower-Mirror
الله يبارك فيك :)
شهرة ايه بس ؟؟ ده انا امي بتتلخبط في اسمي
:D

 
At أكتوبر ١٦, ٢٠٠٦ ٢:٠٠ ص, Blogger أميرة حسين said...

محمد فرج على
الله يبارك فيك يارب ، بس مش مليون دي كتير ؟؟
خليها على الموضة 999999
:D

Anonymous
الله يبارك فيك
معتقدش ان عدد التعليقات مقياس على عدد اللي قروا
وكمان الدستور من اكتر الصحف اللي بتوزع اليومين دول :) :)


مفلس افندي
الف شكر على القصيدة و على الضحكة و على الفرخة كمان
و متقلقش انا شايلالك الدبوس
:D
الله يبارك فيك يا جميل

يقطعني
الله لا يقطعك يا عم
الا انت مش كاتب في البروفايل بتاعك اي حاجة ولا حتى انت ولد و لا بنت
ماعلينا الف شكر على رأيك يا جميل
:D

 
At أكتوبر ١٦, ٢٠٠٦ ٢:٢٨ م, Anonymous غير معرف said...

لازم ناس كتير تشكر الأستاذ محمد لأنه عرفنا على البلوج بتاعك

 
At أكتوبر ١٦, ٢٠٠٦ ٨:١٧ م, Blogger أميرة حسين said...

والله الواحد بيحتار في الناس الزوق دي يقولها ايه ؟؟
:D
الف شكر يا ساكن البعد على ذوقك
والله انا اللي سعادتي زادت و لازم اشكر استاذ محمد مليون مرة على انه السبب في الزيارات الجميلة اللي جت البلوج بعد الموضوع مااتنشر

 
At أكتوبر ١٧, ٢٠٠٦ ٣:٣٢ ص, Anonymous غير معرف said...

مش ملاحظه حاجة غريبة يا اميرة ان كل المتجاوبين مع الجرائد المقرؤة كالدستور وفي نفس الوقت متابعين المدونين علي الانترنت كلهم تقريبا اولاد مفيش بنات تجاوبوا معي مقالك يا تري كم عدد البنات اللي في مصر بيهتموا بمستقبل مصر ومستقبل البلد والشعب
دا موضوع مهم لازم نتكلم عنه في اقرب وقت ممكن
والف مبروك

فرحـــات
مدونة جمهورية فرحات

 
At أكتوبر ١٨, ٢٠٠٦ ١:٥٢ ص, Blogger أميرة حسين said...

فرحات
بالعكس يا فرحات فيه بنات كتير مهتمة بمستقبل البلد زي شيماء مثلا
http://shaima2.net/

لكن التعليقات هنا مش مقياس
وعلى العموم نسبة الشباب اللي بيدخلوا النت عموما اكتر من البنات وبالتالي ممكن يكون فيه بنات كتير مهتمة بمستقبل البلد لكن معندهمش فرصة يعبروا عن ده
ميرسي يا فرحات على زيارتك للمرة التانية و على اهتمامك :) :) :)

 
At أكتوبر ١٩, ٢٠٠٦ ١١:٣٨ م, Blogger عبقرينو said...

مبروك على النشر فى الدستور

انا قرأت شوية من مدوناتك .. اعتقد ان عندك كنز ثمين ينفع قوى للنشر

مرة تانية اهنيك وعقبال مانشوف كتاب جميل ليكى

 
At أكتوبر ٢٠, ٢٠٠٦ ١١:٠٩ م, Blogger أميرة حسين said...

الله يبارك فيك يا ياسر
متشكرة جدااااااا على رأيك في المدونة
ولو ان شكلك اخدت فيا قلم
الموضوع لا فيه كنز ولا يحزنون :) :)

 
At أكتوبر ٢٣, ٢٠٠٦ ١٠:١٢ م, Blogger elhifnawi said...

أنت تستحقي كل تقدير وإعجاب كتاباتك نابعة من القلب رشيقة و تدل على موهبه صحفيه حقيقية
أضم صوتي مع صوت من سبقني في الإعجاب بأسلوبك و أقول أسعد التعرف عليك اليوم

 
At أكتوبر ٢٣, ٢٠٠٦ ١١:٥٥ م, Anonymous غير معرف said...

ربنا يكرمك يا اميرة وتتطلعى من كل الاكتئاب ده وتبقى محررة اد الدنيا فى الجريدة اللى انتى عايزاها

وايه اللى حصل فى المدونة ده مالها بقت خام كده ليه هههههههههه؟

 
At أكتوبر ٢٤, ٢٠٠٦ ٢:٣٦ ص, Blogger أميرة حسين said...

الحفناوي
لتالت مرة بشكرك النهاردة على تعليق ليكي على بوست ليا
بجد بجد انا مش عارفة اقولك ايه على الكلام الجميل ده
يارب اكون عندظنك بيا :) :)

زوزو
:)
فينك مش باين من زمان
لون المدونة الجديد ده محاولة للخروج من الاكتئاب و الكآبة اللي مالية البلد دي ياعم و كمان عشان يبقى لوليتا بالفراولة
:D :D
انما ايه رأيك كده احسن ولا الاول؟؟؟

 
At أكتوبر ٢٥, ٢٠٠٦ ٦:٥٧ ص, Anonymous غير معرف said...

مبروك للمره التانيه ولو انها متاخره معلش بقي انتي عارفه الظروف

:)

 
At أكتوبر ٢٦, ٢٠٠٦ ٣:٥٢ م, Blogger أميرة حسين said...

الله يبارك فيكي يا شيمو
حمدالله على السلامة ، عمرة مقبولة ان شاء الله :)

كل سنة وانتي طيبة يا قمر

 
At أكتوبر ٢٨, ٢٠٠٦ ٢:٠٧ ص, Anonymous غير معرف said...

لأ الاول احسن يا اميرة وعايزين نكمل موضوع بص وطل لو سمحتى

 
At أكتوبر ٢٨, ٢٠٠٦ ١١:٥٣ م, Blogger أميرة حسين said...

كازانوفا
كده يا زوزو :(
طب اجبر بخاطري و قولي حلو

:D

موضوع بص و طل ؟؟ موضوع ايه ؟؟ هو احنا اتكلمنا على حاجة لبص و طل قبل كده ؟؟
يا نهار انا الظاهر جالي الزهايمر بجد

زوزو انا مش فاكرة اننا اتكلمنا في حاجة زي دي والله
يا ريت تفكرني

 
At يونيو ١٥, ٢٠٠٧ ١:١٣ م, Anonymous غير معرف said...

کیر خر آغشته به سنده خوک تو کس ننه امام حسین و دوستداران امام حسین.

کیر خر و سنده خوک تو کس ننه حضرت زهرا دختر پیامبر اسلام.

 
At يونيو ٢٧, ٢٠٠٧ ١٠:٠٣ م, Anonymous غير معرف said...

nice post, it's really interesting for me today, thx

 

إرسال تعليق

<< Home