لوليتا

هل تذكر اللوليتا ؟ ليست برائحة غزل البنات النفاذة ، و لا ببرودة الآيس كريم المنعشة ، و لا يبقى طعمها في فمك طويلاً كالبونبوني و الشيكولاتة . ما هي إلا متعة وقتية تأكلها في ثانية ، و تنسى كل شئ عنها في الثانية التالية !!0

الاثنين، سبتمبر 04، 2006

لماذا ذهبت نجوم إف إم إلى ( لا بلاج العجمي ) و شواطئ ( مارينا ) و لم تذهب لجمصة أو رأس البر ؟؟؟!!!!!!0

حتى نجوم إف إم مفيهاش مكان للغلابة 000

أعترف - و ياخجلي من الاعتراف - إني أحب الاستماع في بعض الأحيان لمحطة نجوم إف إم ، رغم تفاهتها أحياناً . إلا إنني أتصيد الأغنيات من بين كم الأعلانات و الاستظراف الرهيب . و كثيراً ما تتحرك يدي تلقائياً لتدير مؤشر الردايو ليذهب إلى 105.8 إف إم ، إذاعة الأغاني الحبيبة بأغنياتها القديمة و بالها الرايق0

جذب إنتباهي منذ بداية الصيف أن نجوم إف إم تعلن عن برنامج صيفي سيكون من على الشواطئ مباشرة 0( هنكون معاك ع البحر ، و هنلف شواطئ مصر )0
مما جعلني أتخيل أن مذيعي المحطة يعلنون عن برنامج منظم للدوران على جميع شواطئ مصر ، جمصة ، رأس البر ، ميامي ، العجمي ، المعمورة ، الساحل الشمالي ، مارينا ، فايد ، الاسماعيلية ، بورسعيد 0
0
إلا أن الإعلان آتى ليعلن أنه لا مكان للغلابة أمثالنا حتى على محطات الراديو 0
فالمذيع يعلن بثقة أن البرنامج سيبث مباشرة من لا بلاج العجمي ، و عدة شواطئ بمارينا لن أتذكر اسمائها ولو بعد مائة عام 0
0
قد يبرر البعض كلامي هذا على أنه حقد طبقي أو حسد أو أنني أفش غللي في من حققوا معجزة التصييف في الكوكب المسمى الساحل الشمالي أو لأحد شواطئ مارينا التي لن أسنطيع تذكر اسمائها ولو بعد مائة عام 0
وحتى لا تتعبوا أنفسكم في الاستنتاج ، نعم هو حقد طبقي لا شك في ذلك 0
0
فأبي بعد 36 عاماً من خدمة الحكومة لم يستطع أن يوفر لي أسبوع مصيف في شرم الشيخ أو الغردقة أو الساحل
الشمالي أو أحد شواطئ مارينا التي لن أستطيع تذكر اسمائها ولو بعد مائة عام 0 ربما لأنه لم يمتلك الشجاعة الكافية لأن يكون لصاً أو مرتشياً 00
0
و على الرغم من الحقد و الغل إلا أنني أحمد الله على أسبوع جمصة الذي أقضيه كل عام ، ربما لعلمي أن أغلب الشعب المصري لا يعرف معنى التصييف و بعضهم لم ير البحر أصلاً 0
0
و لك أن تتصور غيظي من المحطة و البرنامج و المذيعين في كل حلقة من حلقات البرنامج الذي يقدم كل ( ويك إند ) 0 و إمعاناً في غيظك تخبرك المذيعة كل خمس ثوان أن ( المية هنا تجنن يا جماعة ولون البحر مش ممكن و الجو تحفة بجد ) !!!!00
لماذا يا أبي لم تستطع أن تكون لصاً أو مرتشياً أو راكباً لأي موجة توصلك إلى أحد شواطئ مارينا التي لن أستطيع تذكر اسمائها ولو بعد مائة عام 000

18 Comments:

At سبتمبر 05, 2006 1:22 ص, Blogger كازانوفا said...

عارفة ليه عشان ابوكى ده راجل محترم وشريف والحمد لله على جمصة حسن من مارينا اللى بفلوس الغلابة وبعدين مالها جمصة بقى مش اد المقام رغم انى عمرى مروحتها بس اسمعى يا بنتى والله انا روحت اماكن كتير من بتاعت الاغنياء دى لأنى انا بطيبعة شغلى مشرف فى احد اكبر نوادى مصر بالعاصمة وبنعمل رحلات للاعضاء وبنطلع معاهم بس بلوسى الحمد لله بس اقولك على قمة المسخرة اللى هناك عارفة اه الناس دول معاهم فلوس واغنياء بس من جواهم حقد وغل على بعض والله اه يطلعوا فى المناسبات حبيايب وكده ولكن تيجى تبصى جواهم قلبهم اسود اوى وبعدين النجوم اف ام دى بتاعت التافههين انا اسف يعنى لو انتى من متابيعه بس مبقتش زى الاول بقت تلات اربع الوقت كلها اعلانتا والباقى بحبه يا اسامه اعمل ايه يا اسامه

وشكرا على موضوعك

 
At سبتمبر 07, 2006 12:36 ص, Blogger أميرة حسين said...

كازانوفا
ميرسي جدا جدا جدا اولا على متابعتك :)
ثانيا انا بحب جمصة جدا على فكرة :)
و بحمد ربنا عليها و على ابويا ربنا يخليهولي و يوديني جمصة كل سنة
:D
و بالنسبة لاف ام انا اكيد مش بسمع انا و النجوم و قفاك :) :) :)
انا باصطاد الاغاني الجديدة عشان ابقى متابعة و من باب التسلية وانا قاعدة في الشغل

 
At سبتمبر 08, 2006 6:39 م, Blogger كازانوفا said...

hossamnouh@hotmail.com

ياريت نتكلم شوية على حاجة كدا فى مدونتك ومدنتى كمان

 
At سبتمبر 13, 2006 8:23 م, Blogger كازانوفا said...

مبروووووووووووووووك يا اميرة انى المقال ده نزل فى جريدة الدستور فى صفحة رأى وانا فى الشغل وفى ايدى كوب الشاى الساخن وبعدلما خلصت صفحة صربة شمس وخارج منها مش عارف راسى من رجليا كالعادى اصدم بمقالة فى صفحة رأى وابص الاقى فى النص بتاع ضرب نار اميرة وتكاد كوب الشاى ينزلق ايديا من كتر الفرحة والله يا بنتى هههههههه

بس بجد انتى تستاهلى اكتر من كده

ويجعله عامر

 
At سبتمبر 14, 2006 12:27 ص, Blogger أميرة حسين said...

الله يخليك يا زوزو :) والله ما عارفة اقولك ايه
الف شكر يا جميل
بجد انا فرحانة انك فرحت لما شفت المقال
:D
ربنا يخليك و يجعله عامر بحسك :)

 
At سبتمبر 14, 2006 7:49 م, Blogger كازانوفا said...

بقولك ايه يا اميرة لو عايزنى اعملهسكانر وتنزليه على الموقع اوكى
انا تحت امرك

 
At سبتمبر 14, 2006 10:53 م, Blogger أميرة حسين said...

الله يخليك يا زوزو :D
مش للدرجة دي يعني
ان شاء الله لما ينزلي مقال مخصوص نبقى نعمله سكان و ننزله هنا
:D :D
ميرسى يا جميل

 
At سبتمبر 15, 2006 9:34 ص, Blogger BeboOo said...

احب احييكى ع الموضوع الجميل دا اللى محدش فكر فيه ويعتبر دا انفراد
ربنا يوفقك فى المدونه بتاعتك الجميلة دى
الموضوع نزل فى الدستور فين الاسكان اللى قلتى هتعمليه
انا جبت عنوان مدونتك من الجريده وبجد عجبتنى جدا
ربنا يوفقك

 
At سبتمبر 17, 2006 1:22 ص, Blogger أميرة حسين said...

ميرسي يا بيبو على كل الكلام الجميل اللي اكيد انا مستحقوش :)
و ربنا يخليك و يوفقك انت كمان في مدونتك ان شاء الله

 
At أكتوبر 17, 2006 4:22 ص, Anonymous فرحات said...

انت بتيجي جمصة والله كويس بس انا بحب رأس البرأكتر من جمصة مع العلم أني بروح جمصة كتير قوي أكتر مما تتخيلي رغم اني مش بحب جمصة خالص
وراس البر رغم حبي وعشقي لها إلا اني
بكسل أروحها واخر مرة روحتها كان من سنتين في الشتاء
أنا مش عارف بصراحة انتم عارفين تعيشوا في القاهرة ازاي من غير ما تشموا هوا البحر او نسيم البحر
ربنا معاكم

فرحـــات
مدونة جمهورية فرحات

 
At أكتوبر 18, 2006 1:54 ص, Blogger أميرة حسين said...

باجي جمصة ؟؟ ده انامتربية في جمصة
:D
ده احنا مكناش بنفوت سنة يا فرحات :)
انا الحقيقة مروحتش راس البر قبل كده لكن رحت اسكندرية و العريش تبع شغل بابا برضه
:D

 
At نوفمبر 15, 2006 8:14 م, Anonymous غير معرف said...

أنا غير موافق أن كل الى بيشترى فى مارينا حرامى

 
At نوفمبر 15, 2006 10:32 م, Blogger أميرة حسين said...

Anonymous
اولا ميرسي على الرد و شرفتم البلوج يا فندم :)
ثانيا كان فيه مناقشة حوالين الموضوع ده بيني و بين الصديق
Shower-Mirror
لكنه كان رد في البوست اللي بعد ده اللي هو بتاع عيد ميلادي
لو تحب تبقى تقرا التعليقات هتشوف انا رديت عليه قلتله ايه
ولو كنت مكسل تروح البوست اللي بعد ده يا سيدي اقولك هنا انا قلت ايه
:)


Shower-Mirror
أولا شكرااااا خالص على تعليقك و على ردك الجميل :) :)

ثانيا : معتقدش اني قلت اي حاجة في البوست بتاعي تقول ان كل الاغنيا حرامية او كل الفقراء شرفاء
انا كل اللي قلته ان ابويا بعد خدمة 36 سنة في الحكومة معرفش يوديني مارينا او الساحل :)

وقلت كمان اني مش من اللي حققوا معجزة التصييف في الساحل الشمالي
لكن مقلتش ابدا ان كل اللي بيروح الساحل او مارينا حرامية :) :)

لكن قلت - من باب الفخر واعترف بده - ان ابويا معرفش يكون حرامي او مرتشي

فمتزعلش اوي كده :) بالعكس مصر فيها ناس عصاميين بالفعل ، لكن انت متفق معايا برضه انهم قله
لان تحقيق ده في الظروف اللي البلد فيها و المحافظة على مبادئك و اخلاقك في نفس الوقت عملية صعبة جدا لكن مش مستحيلة بالتأكيد

تحياتي ليك و لوالدك و يارب يكتر من أمثالكم :) :) سعيدة جدا جدا جدا بمعرفتك

 
At مايو 08, 2007 8:21 ص, Anonymous غير معرف said...

لا بقى كلهم حرامية عشان مفيش واحد عصامى تعبان فى كل مليم بيكسبه وحتى لو ملياردير هيروح يدفع كل الفلوس دى فى بورتو ملرينا ولا الساحل

 
At يونيو 27, 2007 10:03 م, Blogger Actos said...

nice post, it's really interesting for me today, thx

 
At سبتمبر 01, 2007 3:10 ص, Blogger ellithy said...

اسمع نجوم اف ام مباشرة ع النت
نجوم اف ام

 
At يوليو 29, 2009 6:05 م, Anonymous ضياء said...

سيدتي رغم اتفاقي معكي في تفاهة وسطحية البعض لكني اختلف معكي جملة وتفصيلا في تفسيرك للامور بنفس السطحية التي ..فانا ارى من الخطأ الكبير يا عزيزتي الحكم المطلق على الاشياء انطلاقا من نظرتنا المحدودة للامور او بناء على استفزاز خاطيء من بعض السفهاء ...فلقد عممتي الحكم على ملايين الناس من شعب مصر بانهم شرفاء لانهم فقط ليس لديهم مصيف وكذلك حكمتي على كل من زار مكانا بعينه على انه لص او مرتشي او او ...اوليس هناك في الاحياء الشعبية و العشوائيات القليل من المجرمين او اللصوص او ما شابه اوليس هناك شرفاء سافروا و تغربوا وضحوا بشبابهم ليصنعوا مستقبلا افضل لابنائهم و لباقي عائلاتهم الماكثة في مصر اوليس هناك اصحاب مشروعات صغيرة او كبيرة يوفرون فرص عمل بالمئات والالوف للمخلصين والمجتهدين من شعب مصر ...اذا كان الله يقضي حوائج الناس بالناس و يجعل لبعضهم حاجة للاخر فهذا ليس بالضرورة ظلما او اجتبائا لاحد ولكنها سنة الحياة ان نتفاوت في الدرجات وكذلك في الارزاق والا لانتهى العالم الى زوال ...كذلك ارى ان مقالك المحترم يمثل توجها خطيرا و انتكاسة في المعايير والمفاهيم الاساسية لاي مجتمع فكيف ندعو اي شخص يطمح في الرخاء والرفاهية ان يكون منحرفا فاسدا وان نحذر كل شريف نزيه ان مآله الى ان يتحسر و يندم على مافاته من فرص ضيعها بيديه !!...صدقيني انا لا اتقمص هنا دور المثالي الوقور فكلنا اخطاء ومفاسد لكني ارى ان سبب كل هذا الخلط هو تعليم رديء واعلام هابط ما لبثا ينخران في مجتمعنا حتى اختلت نظرتنا و تقيمنا لكل شيء.. لذلك انصحك بالتوقف عن الاصغاء لنجوم اف ام و شبيهاتها

 
At أبريل 21, 2013 10:09 ص, Anonymous Wohnungsräumung wien said...

تسلم ايديك على الموضوع الممتاز
Wohnungsräumung
Wohnungsräumung
Wohnungsräumung wien
Wohnungsräumung wien
Wohnungsräumung wein

 

إرسال تعليق

Links to this post:

إنشاء رابط

<< Home