لوليتا

هل تذكر اللوليتا ؟ ليست برائحة غزل البنات النفاذة ، و لا ببرودة الآيس كريم المنعشة ، و لا يبقى طعمها في فمك طويلاً كالبونبوني و الشيكولاتة . ما هي إلا متعة وقتية تأكلها في ثانية ، و تنسى كل شئ عنها في الثانية التالية !!0

الأربعاء، أبريل 05، 2006

لماذا (لن) يثور المصريون ؟؟

منذ عدة أيام قرأت بوست في مدونة العزيز ايمن الجندي ، كان يتساءل متى يثور المصريون و من قبل ذلك تساءل في بوست أقدم لماذا لا يثور المصريون !!0
أسمح لي بتعديل السؤال يا أيمن و استبدال ( لن ) بـ ( لا ) !0
هذا شعب لم يتعلم الثورة و لم يتعلم الاعتراض على ولي الأمر 00
آباؤنا مازالوا يمارسون معنا القمع بأدق صوره منذ كنا في المهد أطفالا00 ( لأ يعني لأ و من غير مناقشة ) العبارة الأكثر تداولا بين الآباء 00
هو لا يقوى على مواجهة رئيسه في العمل ، و بالتالي لن يسمح لك بمواجهته 00
وبالنظر للتاريخ المخزى لنا ، ستجد ان على مر العصور لم تنجح ثورة شعبية واحدة منذ (هوجة عرابي) و حتى ثورة 1919 ، لم تنجح أي منهما في تغيير الوضع او الاطاحة بحاكم فاسد ، أقصى ما حققته أي ثورة للمصريين كان الضغط على الملك لتغيير رئيس الوزراء مثلا 00
بالطبع أنا أتحدث عن الثورات الشعبية و ليست العسكرية ، فثورة 23 يوليو نجحت نجاحا باهرا ، للذين قاموا بها فقط
أتذكر للدكتور أحمد خالد عبارة في احدى مقالاته لا أتذكر أيها للاسف ( قدر المواطن العربي هو ان يتخلص من المحتل الأجنبي ليقع في براثن المحتل الوطني )0
ولا أمل طبعا في ثورة عسكرية أخرى الآن ، لأن النظام الحالي (واخد باله ) من العسكريين ، ومريحهم أخر راحة ، حتى لا تتكرر ثورة يوليو 00
هذا بغض النظر عن أننا شعب مصاب بالزهايمر حاد و مزمن . يٌحرق مسرح فننسى حريق القطار ، تغرق عبارة فننسى حريق المسرح ، يفوز المنتخب القومي بكأس الامم الأفريقية فنلقى بكل ذلك خلف ظهورنا لنخرج مهللين في الشوارع مسبحين بحمد الأسرة الحاكمة التي جاءت لنا بالبطولة !!!0

عذرا عزيزي أيمن على السماح لنفسي بالأجابة على سؤالك ، و عذر أكبر على الذي قد يبدو تشائما للبعض و لكنها الحقيقة للأسف ، لقد ولدتنا أمهاتنا عبيدا - منذ كنا نركع للفرعون الآله - و لسوف نظل للأبد كذلك 00

17 Comments:

At أبريل 05, 2006 11:44 م, Blogger shaimaa said...

ربنا يسمحك يا اميره وجعتي قلبي وسديتي نفسي

بس المشكله اني عارفه ان كل كلامك دا صح مليون في الميه

 
At أبريل 06, 2006 12:10 ص, Blogger أميرة حسين said...

معلش بقى يا شيمو :)
مانا اعتذرت في الاخر على وجع القلب مقدما قبل ما حد يقولهالي :)
ميرسي على القراءة يا جميل

 
At أبريل 06, 2006 1:58 م, Blogger ayman_elgendy said...

اميرة
كيف تعتذري عن الاجابة علي هذا السؤال؟؟........من حقك طبعا الاجابة عليه وان كان رايك متشائما شيئا ما.......فموضوع قيام ثورة في مصر ليس مستحيل وان كان صعبا....فقرآة الدورة التاريخية للامم مثلا كانت تستبعد قيام الثورات في اوروبا في العصور المظلمة نظرا لتفشي الجهل والمرض غياب الحرية وسيطرة الكنيسة وكهنوتها علي الشعب والملك.....ولكن رغم ذلك قامت الثورات بناء علي افكار كتاب وأدباء اخذت وقتها الي ان وصلت لعقول الشعب
اميرة....نحن اصحاب عقيدة تدعو للامر بالمعروف والنهي عن المنكر الاصلاح في الارض .....عقيدة لا تدعو الي الاستكانة ولكن لثورة المظلوم والجائع......صدقيني نحن اولي بالثورة من كل امم العالم ولكن ما ينقصنا هو الوعي والتخطيط والنظام.

كم عام سيحكم مبارك من الان؟؟؟ عام .اثنان ....عشرة....ولكن مصيره القبر....لحظة موت مبارك ستكون المحك الرئيسي لاختبار هذا الشعب...هل سيقول لا لمؤامرة تعيين علاء مبارك رئيس للحزب ثم رئيس بأنتخابات مزورة......انا لن اسمح.....هل ستسمحين انتي يا اميرة؟؟؟......ان قال الشعب لا ......فستبدأ الحياة......الموضوع كبير اوي يا اميرة ومحتاج كتب عشان نقدر نوفيه حقه

شكرا

 
At أبريل 06, 2006 7:37 م, Blogger shaimaa said...

بيتهيالي يا ايمن كلناا هنقول لا

وبدائنا فعلا في قول كلمه لا
يمكن بنقلها علي استحياء بس بتتقل وشويه وشويه والصوت هيعلي

واخر الضلمه نوور

والليل اخره نهار

 
At أبريل 06, 2006 11:31 م, Blogger أميرة حسين said...

الموضوع كبير فعلا يا ايمن
واكيد محدش من المصريين هيوافق على توريث الحكم ، لكن ماهو محدش موافق على استمرار مبارك كل ده في الحكم ، انا بالفعل شايفة ان الناس استكانت جدا و كل همها تعيش و خلاص و مش مهم مين يحكم ، زي ما قلت عندنا الزهايمر :)
عارفة انه كلام متشائم ، لكن ربنا خلاف الظنون :)

شيماء
الحقيقة انا سعيدة جدا بمتابعتك للمدونة و يارب فعلا يكون النهار جاي ، و ياريت نلحق نشوفه :)

 
At أبريل 10, 2006 12:21 م, Blogger إ بـ ر ا هـ يـ م said...

اسلوبك جميل و كلامك حلو

 
At أبريل 10, 2006 5:48 م, Blogger The Doctor !i.. said...

تم بحمد الله إبتداء التصويت لمسابقة أفضل مدونة عربية عليه إن أحببت التصويت فبإمكانك ذلك عن طريق العنوان التالي فلن تخسر شيء عليه أتمنى نقل رسالتي هذه إلى كل من تعرف ومن لا تعرف للحصول على أكبر كمية من التصويت
صوت الآن

 
At أبريل 10, 2006 10:32 م, Blogger أميرة حسين said...

إبراهيم
شكرا على القراءة و على رأيك :)

دكتور
اكيد هصوت طبعا بما اني اشتركت :D

 
At أبريل 22, 2006 1:57 ص, Blogger السهروردى said...

هئ
كالعادة قراءة التاريخ حاجة منسية -أو القراءة عموما - بقى إحنا بقى مش حنثور؟
مممممممم
لأ و الله جبتيلى اليأس

انا بقى بقولك إرجعى للتاريخ حتلاقى حاجة مهمة
طالما فى وعى و سبب للثورة
- لا أقصد الفوضوية - يبقى الناس حتثور و حتثور و حتثور
الخديوى عباس الأول منع التعليم فى مصر بكل الوسائل و قال جملة ياريت كل المصريين ياخدو بالهم منها
" الشعب الجاهل أسهل و أسلس فى الحكم من الشعب المتعلم "
بس للأسف الشعب كان تعلم على يد الخديوى إسماعيل و محمد على و ثار مرتين فى نفس القرن تقريبا
عرابى و 1919

طب أخر الكلام اللى انا كررته عند الأستاذ أيمن

نقص الوعى
نقص الوعى
نقص الوعى
و كمان كلمتين
الفقر
الفقر الفقر
الحل
توعية الشارع المصرى
و توعية الناس
و ماتنسيشى تشوفى فيلم
سمك لبن تمر هندى قبل ما تنامى
هئ

 
At أبريل 23, 2006 12:20 ص, Blogger أميرة حسين said...

أولا يا عم سهروردي شكرا على المرور و القارءة و التعليق :)

ثانيا ، انا مقلتش ان مفيش ثورات حصلت ، لأني كده ابقى مخدتش الابتدائية حتى :) وانا والله اخدتها

انما الثورتين اللي بنتكلم عنهم دول فشلوا فشل ذريع

الناس اتخنقت آ ، قامت عملت مظاهرات ماشي، أنما محصلش حاجة مفيش حاجة اتغيرت
الثورة الوحيدة اللي نجحت و عملت تغيير ، عملت تغيير للأسوأ أو تغيير مؤقت ورجعت الاحوال أسوأ من حكم الملك والانجليز
يعني الثورة دي زي ما قلت نجحت بالنسبة للي قاموا بيها فقط

اما بالنسبة الى اننا هنثور ولا لأ ، فأكيد حتى لو ده حصل مش هيحصل دلوقتي اطلاقا ، لكن انا متفقة معاك جدا ان زيادة الوعي عند المواطن العادي هي بداية الطريق
التغيير الاجتماعي ، هو أول خطوة للتغيير السياسي
لكن ده محتاج وقت كبير ، و يارب نقدر بس نبتدى فيه على أمل أن أحفاد أحفادنا يقدروا يقوموا بالثورة المنتظرة :)

 
At أبريل 26, 2006 12:34 ص, Blogger السهروردى said...

طبعا مش حخش معاكى فى مناقشات حول ثورة يوليو و اللى جابتوا ثورة يوليو

عايز أقولك أن فترة الثورة تختلف عن فترة عبد الناصر و الأتنين يختلفوا عن فترة السادات و الثلاثة يختلفوا عن فترة مبارك
كل فترة من دول هى عقد إجتماعى قائم بذاته
فمن فضلك حاولى الفصل ما بينهم

أسؤ شئ أن تقولى على ثورة عرابى هوجة
أو تقولى أنها فشلت
لأن دى نظرة مش محترمة للتاريخ
ثورة عرابى عملت تغيير هائل على المستوى الأجتماعى للشعب المصرى
حتى لو لم تحقق أهدافها السياسية
كلها

ثورة 1919 علمت الأعظم لأنها عملت تغيير سياسى هائل و تغيير إجتماعى أكثر هولا فى عدة سنوات مش ممكن تحصل مع أى شعب تانى
أرجوك أقرى تاريخ كويس جدا علشان تقدرى تفهمى طبيعة الشعب اللى بتقولى أنه مش حيثور

 
At مايو 22, 2006 7:34 ص, Blogger Boring Lips said...

Good post. But I don't like this tone myself. People live to learn. At some point they will know what is going on. But this will happen only when they know their needs and rights.

A revolution needs two things: a) goals to be achieved and b) people awareness to achieve these goals.

The goals I am talking about must be set by people or more precisely by people's needs. Goals set be some leader who motivate the public to work on making them real through revolution will end the whole thing to be a deceiving act. Because those leader will get their hold tight on people then those leaders will rule the sheep.....this way it becomes nothing more than a substitution.

The only way to avoid such a situation is through people's awareness. But you have to notice that people gain different knowledges. So those who will make a revolution must be the best representatives of the real needs of people.

I think that our cult/religion has nothing to do with any intended revolution. First, there are many religions. Second, religions are much more a personal aspect. Third, mixing religion with societal issues puts different religions in competition and this would yield arguments about what religion is the right one, which is a wrong debate in the first place.

Religion and faith must be separated from social and political issues. Because when they go into social scenes they always go astray. I mean that some players always use religion to get some winnings and in most cases the use of religion wasn't religious at all!

What we need is a way of thinking towards positivity and equality of rights. We have to find what unite us on the long run not that separates us into parts.


I would like you to read two of post becuase they explain how I think:
- Thinking of You, Dear Illusion
- what's Coming, Man of Honour

They are a bit long so I hope you have the time span to read them. If you are interested I would like you to share your thoughts.

Thanks

 
At مايو 24, 2006 12:32 ص, Blogger أميرة حسين said...

Boring Lips
انا اسفة جدا اني مشفتش الكومينت ده و دي حاجة غريبة لان اي كومينت جديد بيتبعتلي بيه ميل على طول
اكيد طبعا هقرا البوستين اللي انت حاططلي لينكهم و هارد عليك هناك :)

 
At مايو 24, 2006 12:47 ص, Blogger Boring Lips said...

No need to be sorry. I just wanted to tell you about that facility.

Thanks anyway. I hope you enjoy them

 
At فبراير 14, 2007 4:22 م, Anonymous غير معرف said...

Enjoyed a lot! tramadol cheap tramadol no prescription buy cheap tramadol botox tv advertising 78 oldsmobile cutlass salon Tv fetish teeth whitening Presentations voip Order butalbital from us online

 
At مارس 14, 2007 10:55 م, Anonymous غير معرف said...

That's a great story. Waiting for more. »

 
At مايو 20, 2013 1:11 ص, Anonymous غير معرف said...

صراحه بحب افلام الرعب لكن تؤثر فيني فمستحييييييييييييل .ونتى شكلك متأثرة بيها جدا وعيشه الرعببببببب !!

 

إرسال تعليق

Links to this post:

إنشاء رابط

<< Home