لوليتا

هل تذكر اللوليتا ؟ ليست برائحة غزل البنات النفاذة ، و لا ببرودة الآيس كريم المنعشة ، و لا يبقى طعمها في فمك طويلاً كالبونبوني و الشيكولاتة . ما هي إلا متعة وقتية تأكلها في ثانية ، و تنسى كل شئ عنها في الثانية التالية !!0

الخميس، مارس 16، 2006

لما الوجع زاد عليا

كنت مع صديقى العزيز محمد فوزي على الماسينجر منذ لحظات
معتادة معه على انه يرسل لي اجزاء من اغنيات او من قصائد شعر ، هذا هو مفهومه عن الفضفضة الماسينجرية
المهم ، راح باعتلي المقطع ده

لما الوجع زاد عليا حلفت ان دمع العين ما ينزل
ولو قادت في قلبي النار ولو كتم البكا راح يقتل
حلفت اني أكون راجل
شديد الصبر علي البلا قادر
تنشق الارض من تحتي ..ولا أتزلزل
.
الابيات اعجبتني جداااااااا
فكان السؤال الطبيعي
.
مين ده يا محمد ؟؟
خمني ؟؟
بص يا بني انا الزجل بالنسبة لي يعني صلاح جاهين ، انا تقريبا مقريتش غيره
طب 3 خيارات ، جاهين أم نجم أم حداد
لأ هو اكيد مش نجم
صح
يبقى جاهين؟
غلط
حداد
برضه غلط :)
الله مديني 3 خيارت غلط ؟؟ قول يا واد انت مين
الواد اللي بيكلمك يا ستي :)
0
0.
شكرااااااااااا يا محمد على موافقتك على نشري لابياتك الجميلة هنا

11 Comments:

At مارس 16, 2006 7:04 م, Blogger أحمد said...

زجل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
في حاجة لسه اسمها زجل

 
At مارس 16, 2006 11:25 م, Blogger أميرة حسين said...

أهو زي مانت شايف كده يا بيسو :)
محمد مبيكتبش بالعامية اصلا لكن المرة دي طلعت منه كده :)

 
At مارس 17, 2006 2:25 م, Blogger Mist said...

سؤال..ايه الفرق بين الزجل والشعر العامي؟
..

 
At مارس 17, 2006 11:38 م, Blogger أميرة حسين said...

الحقيقة يا ميست انا مش احسن حد تسأليه السؤال ده :)
لكن اعتقد انه مفيش فرق
الزجل هو الشعر العامي

 
At مارس 19, 2006 5:13 م, Blogger ayman_elgendy said...

طيب وانتي فين آخر كتاباتك؟؟؟؟وحشتينا

 
At مارس 19, 2006 11:38 م, Blogger أميرة حسين said...

المشكلة يا ايمن اني مش بكتب كتير مؤخراً
عندي حالة إعتام كامل :)
لكن اكيد اي حاجة جديدة هنزلها فورا
وقريب ان شاء الله :)

شكرا على مرورك يا ايمن

 
At مارس 25, 2006 6:58 ص, Blogger manora said...

هلااااا اميرة
انا ماكنتش اعرف ان محمد بيكتب اصلا!
وكمان زجل يعنى
بس هى حلوة جدا جدا جدا
وربنا يصبره

 
At مارس 25, 2006 10:50 م, Blogger أميرة حسين said...

هلا فيكي منورة :)
ربنا يصبره و يصبر كل المصريين

شكرا على مرورك

 
At أبريل 04, 2006 7:22 م, Blogger shaimaa said...

غريبه قوي وحلوه قوي برده

لو هوا محمد فوزي اللي انا اعرفه بتاع روايات يبقي دا مبيكتبش غير فصحي يعني جديده علييه قوي

وحلوه قوي لانهاا فعلا حلوه وقوي

ومبروك يا ايمي متاخره صحيح بس معلش عقبال ما وصلتني انتي عارفه المواصلات بقي

 
At أبريل 05, 2006 2:01 ص, Blogger أميرة حسين said...

هو محمد بتاع روايات يا شيماء:) السيد الرئيس

هو فعلا مش بيكتب غير فصحى و دي على حد علمي اول مرة يكتب عامية

الله يبارك فيكي يا شيماء ، ولا متأخرة ولا حاجة ياستي :) المهم انك وصلتي بالسلامة

 
At فبراير 04, 2013 11:12 ص, Anonymous جيلان said...

حقيقى موقع جامد أخر حاجة وتحفة موووووت . اتمنى لكم الاستمرار بنجاح

 

إرسال تعليق

Links to this post:

إنشاء رابط

<< Home