لما الوجع زاد عليا
كنت مع صديقى العزيز محمد فوزي على الماسينجر منذ لحظات
معتادة معه على انه يرسل لي اجزاء من اغنيات او من قصائد شعر ، هذا هو مفهومه عن الفضفضة الماسينجرية
المهم ، راح باعتلي المقطع ده
لما الوجع زاد عليا حلفت ان دمع العين ما ينزل
ولو قادت في قلبي النار ولو كتم البكا راح يقتل
حلفت اني أكون راجل
شديد الصبر علي البلا قادر
تنشق الارض من تحتي ..ولا أتزلزل
.
الابيات اعجبتني جداااااااا
فكان السؤال الطبيعي
.
مين ده يا محمد ؟؟
خمني ؟؟
بص يا بني انا الزجل بالنسبة لي يعني صلاح جاهين ، انا تقريبا مقريتش غيره
طب 3 خيارات ، جاهين أم نجم أم حداد
لأ هو اكيد مش نجم
صح
يبقى جاهين؟
غلط
حداد
برضه غلط :)
الله مديني 3 خيارت غلط ؟؟ قول يا واد انت مين
الواد اللي بيكلمك يا ستي :)
0
0.
شكرااااااااااا يا محمد على موافقتك على نشري لابياتك الجميلة هنا
posted by أميرة حسين @ ١٢:١١ ص
11 Comments:
زجل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
في حاجة لسه اسمها زجل
أهو زي مانت شايف كده يا بيسو :)
محمد مبيكتبش بالعامية اصلا لكن المرة دي طلعت منه كده :)
سؤال..ايه الفرق بين الزجل والشعر العامي؟
..
الحقيقة يا ميست انا مش احسن حد تسأليه السؤال ده :)
لكن اعتقد انه مفيش فرق
الزجل هو الشعر العامي
طيب وانتي فين آخر كتاباتك؟؟؟؟وحشتينا
المشكلة يا ايمن اني مش بكتب كتير مؤخراً
عندي حالة إعتام كامل :)
لكن اكيد اي حاجة جديدة هنزلها فورا
وقريب ان شاء الله :)
شكرا على مرورك يا ايمن
هلااااا اميرة
انا ماكنتش اعرف ان محمد بيكتب اصلا!
وكمان زجل يعنى
بس هى حلوة جدا جدا جدا
وربنا يصبره
هلا فيكي منورة :)
ربنا يصبره و يصبر كل المصريين
شكرا على مرورك
غريبه قوي وحلوه قوي برده
لو هوا محمد فوزي اللي انا اعرفه بتاع روايات يبقي دا مبيكتبش غير فصحي يعني جديده علييه قوي
وحلوه قوي لانهاا فعلا حلوه وقوي
ومبروك يا ايمي متاخره صحيح بس معلش عقبال ما وصلتني انتي عارفه المواصلات بقي
هو محمد بتاع روايات يا شيماء:) السيد الرئيس
هو فعلا مش بيكتب غير فصحى و دي على حد علمي اول مرة يكتب عامية
الله يبارك فيكي يا شيماء ، ولا متأخرة ولا حاجة ياستي :) المهم انك وصلتي بالسلامة
حقيقى موقع جامد أخر حاجة وتحفة موووووت . اتمنى لكم الاستمرار بنجاح
إرسال تعليق
<< Home